Misteri i zhdukjes së 19 vjecares Artemis Vasili në Greqi vazhdon të mundojë të afërmit e saj. së fundi, mediat greke shkruajnë se ka disa detaje të reja, që vijnë nga Google i cili raporton se gjurmët e telefonit celular dhe e gjithë historia elektronike e tij janë fshirë nga një zonë e vecantë. Një process ky që sipas ekspertit të Krimit Kibernetik, Vassilios Georgopoulos, nuk mund të ndodhë gabimisht. Ai mund të jetë vetëm i qëllimshëm, thotë Georgopoulos. Sipas tij, është e qartë se personi që ka bërë këtë veprim, e dinte se po fshinte gjurmët elektronike të aparatit celular të vajzës. Ishin vetë të afërmit, të ndihmuar nga avokati i tyre Stavros Georgiou që kërkuan asistencën e Google-it dhe të Georgopoulos . avokati shpjegoi se përveç padisë ekzistuese për rrëmbim ndaj Artemis Vasilit, është ngritur edhe ajo e vrasjes.