Kina duket se po ndërton një version të sajin të Zonës 51, në mesin e një shkretëtire të largët radioaktive. Imazhe nga satelitët tregojnë sitin misterioz që shfaqet ndërsa gara mes Pekinit dhe perëndimit për të zhvilluar armë sekrete dhe super avionë lufte, po fiton ritëm. Zona 51 ndodhet në zonën jugore të Nevadës, vetëm 83 milje në veri perëndim të Las Vegasit. Ky është emri i një zonë shumë sekrete të forcave ajrore amerikane. Baza ajrore besohet se është vendi ku zhvillohen dhe testohen avionë eksperimentalë dhe sisteme armatimesh. Avionë si ultra-i shpejti SR-71 Blackbird, janë ndërtuar dhe testuar atje. Ajo është edhe zona që është përfolur prej kohësh si baza kryesore amerikane për testimin e UFO-ve të rrëzuara dhe të kapura nga amerikanët. E tani, duket se edhe kina ka zgjedhur një vend ku më parë testoheshin armët bërthamore, në një qoshe të largët të provincës Xinjang, për të ngritur bazën e saj sekrete të testimeve. Dhjetëra ndërtesa po ndërtohen atje, tregojnë fotot satelitore. Baza ndodhet në Lop Nur, që dikur ka qenë një ish liqen i kripur që përdorej si sajt testimi bërthamor cka do të thotë se e gjithë zona është radioaktive. Kina dihet se po prodhon në fshehtësi të plotë bombarduesin e saj të quajtur H-20, Zoti i Luftës. Sipas disa ekspertëve, ai mund të godasë Guamin dhe baza të tjera amerikane, duke u bërë kështu ndryshues i rregullave të lojës.