Anders Breivik, po përpiqet fshehurazi të fusë në xhep 8 milionë euro duke shitur të drejtën për ta kthyer jetën e tij në një film. Sipas mediave britanike, 10 vite pas masakrës së tij në një ishull në norvegji, ku mori 77 jetë njerëzish, vrasësi djallëzor i ka dërguar 20 letra producentëve të filmave, duke iu lutur atyre të tregojnë historinë e tij. Britanikja The Sun, ka zbuluar se vrasësi 42 vjecar norvegjez, që shkruan 50 faqe në ditë në ditarin e tij në burg, ka hedhur tashmë në letër edhe një biografi dhe një skenar filmi dhe ka dërguar ftesa që të intervistohet në burg. “Breivik është i etur për famë, para dhe liri, dhe kjo që ai po bën është një fyerje për viktimat dhe familjet e tyre”, tha një burim. “Një fyerje, është edhe jeta që ai bën në burg. Ai nuk ka kërkuar kurrë falje për krimin dhe as nuk ka ndër mend ta bëjë. Por do të frymëzojë të tjerë dhe beson ende tek një revolucion fashist. Breivik është dënuar me 21 vite burg, dënimi më i madh ky në Norvegji, ndërkohë që ka bërë së fundmi edhe një tjetër kërkesë për falje ndërkohë që është i bindur se një ditë do të jetë i lirë. Në burgun ku ai po mbahet, gëzon një jetë komode, në një lloj apartamenti me tre dhoma gjumi, i pajisur me një studio, palestër dhe zonë kuzhine.