Ministria e jashtme iraniane tha të hënën se izraeli ishte pa diskutim pas sulmit mbi një impiant pasurimi të uraniumit, në Natanz, një ditë më parë dhe premtoi hakmarrje. Sigurisht që regjimi zionist, me këtë veprim, është përpjekur të hakmerret mbi njerëzit në iran për durimin dhe qëndrimin e tyre të matur në lidhje me heqjen e sanksioneve amerikane. Përgjigjia e Iranit do të jetë një hakmarrje për regjimin zionist në kohën dhe vendin e duhur Zëdhënësi i ministrisë, akuzoi në mënyrë indirekte izraelin se po përpiqet të krijojë pengesa në diskutimet e Vjenës që synojnë kthimin në jetë të marrëveshjes historike bërthamore. Incidenti i të dielës, që irani e quajti një akt terrorizmi, erdhi një ditë pasi teherani tha se kishte avancuar centrifugat e pasurimit të uraniumit në Natanz, një shkelje kjo e angazhimeve të ndërmarra prej tij në marrëveshjen e 2015-ës me fuqitë botërore, nga ku donald trump e tërhoqi amerikanë në 2018. Një zëdhënës i organizatës për energjinë bërthamore në Iran më herët kishte raportuar një incident në Natanz të krijuar nga një ndërprerje energjie, pa të lënduar dhe pa ndodtje. Por, sipas zëdhënësit të ministrisë së jashtme, sulmi kishte prekur një numër centrifugash të gjeneratës së parë IR-1 të cilat tani do të zëvendësohen me centriguga të reja, më të avancuara. Incidenti në Natanz pason hapjen e një raundi bisedimesh në vjenë, të martën, me përfaqësuesit e palëve që mbeten në marrëveshjen bërthamore.