Një shuplakë e dyfishtë për donald trump nga ana e pasuesit të tij. Joe Biden ka anuluar të gjitha fondet për ndërtimin e murit me meksikën dhe ka ngritur një komision për reformimin e gjykatës supreme, pas hyrjes në të të tre gjykatësve të nominuar nga ish presidenti, duke krijuar këhstu një shumicë konservatore. Dy lëvizje këto që vijnë pas presioneve të mëdha të formacionit të majtë të partisë demokratike në shba. Shtëpia e bardhë vijon kështu me c’rrënjosjen e trashëgimisë trumpiane në të gjitha frontet. Dhe Biden nuk do të humbasë kohë. Në projektbuxhetin e parë të tij, për vitin 2020, biden ruan kështu një nga premtimet kryesore; as edhe një dollar më shumë për veprën simbol të Donaldit, murin në kufi. Jo vetëm që Biden përjashton burimet e reja për të përfunduar murin me meksikën, por eleminon edhe fondet e alokuara dhe të pa përdorura deri më tani. Sepse, problemi i emigracionit, sipas administratës së tij, nuk përballohet me represion por duke e luftuar problemin në rrënjët e tij. Sidoqoftë, ky hap mund të shkaktojë probleme për Biden për shkak të një rritjeje të numrit të emigrantëve në kufirin me meksikën këto kohë të fundit. Presidenti amerikan, sidoqoftë kërkon 1.2 miliardë dollarë për të përforcuar sigurinë në kufi.