Një zjarrfikës ka humbur jetën dhe dy ë tjerë janë lënduar rëndë, pas një zjarri masiv në një fabrikë historike në qytetin rus Shën Petersburg . Zjarri ka nisur mesditën e sotme dhe u përhap me shpejtësi në të gjashtë katet e ndërtesës Nevsakaya Manufaktura. Erërat e forta penguan përpjekjet për të shuar flakët, ndërsa një tym I zi mbuloi të gjithë qytetin. Ndërtesa daton që nga viti 1841, cila wshtw përdorur për prodhimin e pëlhurave dhe ka qëndruar për shumë kohë si një pikë referimi e qytetit. Ndërtesa historike ndodhet në bregun e lumit Neva, i cili kalon përmes Shën Petersburg, qytetit të dytë më i madh në Rusi. Ajo u drejtua nga qeveria gjatë periudhës Sovjetike, e më pas u privatizua në vitin 1992. Në vitin 2001 fabrika e pëlhurave u shtua në listën e vendeve me vlerë historike dhe kulturore. Ministria e emergjencave ruse njoftoi se 40 njerëz u evakuan,ndërsa pjesa më e madhe e catisë u shemb. Ata shtuan se 300 zjarrfikës u përfshinë në shuarjen e flakëve. Shkaku i zjarrit është ende I panjohur, ndërsa po punohet për zbardhjen e ngjarjes.