30 persona janë vrarë në indi pasi një stuhi e frikshme e mbushur me rrufe përfshiu vendin duke bërë që ndërtesat të shembeshin dhe pemët të shkuleshin me rrënjë. Viktimat, nga pjesë të ndryshme të vendit, përfshijnë edhe disa fëmijë, dhe u goditën nga rrufetë ndërsa sezoni i musonëve ka nisur në vend. Imazhe shokuese tregonin qiellin e ndricuar ndërsa një rrufe goditi 12 persona që po bënin selfie në një kullë vrojtimi mbrëmjen e të dielës. Stuhia e fuqishme bëri që ndërtesat të rrafshoheshin dhe pemët të shkuleshin me rrënjë. Qeveritë lokale kanë shpallur gjendjen e emergjencave dhe po vlerësojnë dëmet. Vetëm pak ditë më parë, plot 27 persona, pjesa më e madhe e tyre fermerë, vdiqën në Bengalin Perëndimor pasi u goditën nga rrufetë gjatë një stuhie. 8 pasagjerë po ashtu u lënduan kur një avion që fluturonte nga Mumbai drejt Kalkutës u përfshi në një stuhi ndërsa po përgatitej të ulej në pistë. Sipas shifrave më të fundit, 2900 vetë janë vrarë nga rrufetë në Indi në 2019. Pamjet: AFP