Një grua austriake pati një suprizë të hidhur kur një gjarpër u shfaq në tualetin e saj vetëm pak ditë pasi një burrë, ishte kafshuar në zonën gjenitale nga një reptil që kishte rrëshqitur nëpër kanalizime për tu shfaqur në banjën e tij. Eva Kastner, 68 vjec, mbëti e shastisur pasi shkoi në tualet, në apartamentin e saj në Vjenë, për të parë një piton afro 1 metër të gjatë. Kastner i bëri një foto mysafirit të paftuar dhe ia dërgoi policisë, që thirri menjëherë shërbimet e kafshëve të egra për ta larguar që andej gjarprin. Ekspertët më pas e larguan pitonin nga tualeti i kastner dhe e cuan në një strehë kafshësh, para se ai të zhvendosej më pas në kopshtin zoologjik. Mbetet e paqartë se nga ka dalë gjarpri dhe kujt i përkiste ai. katër ditë më parë,m një burrë në qytetin e Graz-it u tmerrua pasi një gjarpër e kafshoi atë në zonën gjenitale, më 5 korrik. Valter Erhard, 65 vjec, kishte shkuar në tualet në orën 6 të mëngjesit dhe papritur ndjeu një kafshim në zonën gjenitale ndërsa sapo ishte ulur. Ai mbeti i shokuar kur pa në tualetin e tij një piton albin, një metër e gjysmë të gjatë.