Prindërit po mbajnë zi për humbjen e foshnjës së tyre, i cili vdiq pasi gabimisht mjekët i dhanë gaz që të bën të qeshësh në vend të oksigjenit. John Ghanem vdiq një orë pas lindjes, kur mjekët e vendosën atë në ventilator me oksid azoti ose i njohur ndryshe si gaz që të bën të qeshësh. Nëna e tij Sonja, kishte shkuar në një spital në Sidnei, mëngjesin e 13 korrikut, pasi i kishin nisur dhimbjet e lindjes. Një mjek kishte vendosur ti bënte asaj operacion cezarian për shkak se rrahjet e zemrës së foshnjes ishin ngadalësuar në nivele të rrezikshme. Kur kryen prerjen cezariane, mjekët panë se foshnja thuajse po mbytej ngta kordoni i kërthizës që i ishte lidhur rreth qafës dhe e vendosën atë në inkubator për ti dhënë atë që ata menduan se ishte oksigjen. Por në fakt, ata i mbushën mushkëritë e tij të vogla me oksidin e rrezikshëm të azotit dhe pak më vonë, foshnja u shpall i vdekur. Ngjarja sic shkruajnë mediat australiane ka ndodhur në fakt pesë vite më parë, por tani, prindërit kanë këmbëngulur për një hetim të plotë.