Cikloni tropikal Seroja ka fshirë një hapësirë prej 1 mijë kilometrash në australinë perëndimore duke lënë pas shkatërrim. Stuhia e kategorisë tre u ul afër qytetit Kalbarri të dielën me erëra që kapnin shpejtësinë e 170 km në orë. Stuhia më pas humbi fuqi edhe pse era e fortë vijoi të ndjehej. Banorët raportuan shtëpi të shembura, pemë të shkulura me rrënjë dhe shtylla elektrike të rrëzuara. Banorët thanë se stuhia vijoi përgjatë gjithë natës dhe ishte krejtësisht e tmerrshme. Autoritetet thanë se cikloni seroja kishte ruajtur një ritëm të pazakontë dhe ishte fuqizuar gjatë natës së të dielës. Shërbimet e emergjencave raportuan se 70 për qind e strukturave në Kalbarri, qytet me 1500 banorë, është dëmtuar nga cikloni. Disa qytete në rajon janë në alarm të kuq, cka do të thotë se banorët këhsillohet të strehohen në vende të sigurta dhe mijëra shtëpi kanë mbetur pa energji elektrike.