Një ngarkesë droge e dyshuar kokainë, është gjetur në brigjet e Sussex-it Lindor. Policia mori raporte në mbrëmjen e 8 korrikut, se një numër pakosh ishin gjetur në breg pranë Seaford. Ato u testuan dhe u zbulua se përmbajnë drogë të Klasit A. Pako të tjera janë gjetur që atëherë, duke çuar vlerën totale të tregut, në rreth 2 milion paund, dhe policia vazhdon të mbajë nën mbikqyrje zonën, për të identifikuar ndonjë pako tjetër. Qyetarëve u kërkohet të telefonojnë menjëherë numrin 999 nëse hasin ndonjë pako të dyshuar në zonë. Vetëm dy muaj më parë, një sasi kokaine me vlerë 80 milion paund, u gjet në bregdetin midis Hastings dhe Newhaven. Tre persona u arrestuan në zonë të enjten në mbrëmje nën dyshimin për trafikim të drogave të Klasit A. Një burrë dhe një grua u arrestuan gjithashtu nën dyshimin se ishin të përfshirë në trafikun e një droge të Klasit A. Ata të gjithë janë liruar me kusht ndërsa hetimet vazhdojnë.