Harry është parë të zbresë në aeroportin e Londrës, pasditen e të dielës, nga një avion i nisur nga Los Angeles. Por nga Meghan Markle nuk ka asnjë gjurmë. Ajo që ishte paralajmëruar, konfirmohet kështu. Bashkëhsortja e dukës së sussex-it nuk do të jetë e pranishme në ceremoninë funerale të princit Filip, që do të mbahet të shtunën. Ai u nda nga jeta më 9 prill, në moshën 99 vjecare dhe Harry sigurisht ka vrapuar tek gjyshja e tij, mbretëresha Elisabetë. Harry duhet të qëndrojë në karantinë për pesë ditë dhe do ta kalojë këtë periudhë në izolim në nottingham. Më pas, nëse do të rezultojë negativ ndaj një testi anti covid mund të dalë nga pallati i Kensingtonit dhe të marrë pjesë në funeralin e dukës së edimburgut. Edhe Meghan do të kishte dashur të ishte i pranishëm në krah të Harry-t, por mjekët i kanë këshilluar të mos udhëtojë për shkak të shtatzanisë së avancuar. Djali i dytë i ciftit pritet të lindë në verë ndërkohë që njoftimi zyrtar u dha në ditën e shën valentinit. Pavarësisht telasheve të kohëve të fundit mes meghan dhe Harry dhe një pjese të familjes mbretërore, për ta lënë të qetë mbretëreshën, djemtë e Carlsit duhet të lënë mënjanë mosmarrëveshjet. Kthimi i Harry-t është udhëtimi i parë i tij në angli që nga marsi 2020, kur u zhvendos në kanada dhe më pas në SHBA.