Miliona indianë janë mbledhur në brigjet e lumit Gang ndërkohë që një valë e dytë vdekjeprurëse e koronavirusit po përfshin indinë. Besimtarët hindu shënuan festivalin Kumbh Mela, në shtetin e Uttarkhandit, në numra të mëdhenj aq sa për të alarmuar zyrtarët që janë stërmunduar të imponojnë norma sigurie. Hindutë besojnë se lumi është i shenjtë dhe se zhytja në të do ti pastrojë nga mëkatet dhe do tu sjellë shpëtimin. Kumbh Mela mbahet cdo 12 vite dhe vendi i mbajtjes së tij përzgjidhet mes katër qyteteve, mes të cilëve Allahabad, Haridëar, Nasik dhe Ujjain. Festivali i sivjetshëm vjen në kohën e një rritjeje të ndjeshme të numrit të infektimeve me vendin që raporton në vijimësi më shumë se 100 mijë raste ditore. Të hënën, india regjistroi më shumë se 168 mijë raste të reja, duke ia kaluar Brazilit e duke u bërë vendi me numrin e dytë më të lartë të rasteve në glob.