Ushtria kineze ka ‘dëbuar’ një anije luftarake amerikane, USS Benfold, e cila sipas pekinit ka hyrë në mënyrë ilegale në ujëra kineze, afër ishujve Xisha, ose Paracel. “I kërkojmë shteteve të bashkuara të ndalojnë menjëherë aksione të tilla provokuese”, tha në një deklaratë komanda e ushtrisë kineze. Lëvizja amerikane ka dhunuar rëndë sovranitetin dhe sigurinë e kinës, ka dëmtuar paqen dhe stabilitetin në detin e kinës lindore dhe përfaqëson një provë tjetër të pangatërrueshme të militarizimitg amerikan në rajon. Sipas pekinit, luftanija amerikane ishte paralajmëruar të largohej pasi kishte hyrë në ujëra kineze. Ishujt paracel, që pekini i quan ishujt Xisha, pretendohen edhe nga Vjetnami dhe Tajvani. E ndërsa SHBA vazhdon të refuzojë thuajse të gjitha pretendimet e Pekinit në detin e kinës së jugut, marina amerikane reagoi duke thënë se Benfold sfidoi kufizimet e paligjshme. “Shba mendon se këto ujëra janë përtej asaj që Kina mund të pretendojë se janë ujëra të saj territoriale dhe pretendimet e kinës për ishujt paracel janë të pabazuara në ligjin ndërkombëtar”, tha marina. E gjithë kjo ndodh në një kohë kur frika për një luftë të tretë botërore është ndezur pasi Kina premtoi se do të pushtojë Tajvanin në rast se kërkon pavarësinë ndërsa marina amerikane shpalos fuqinë e saj ushtarake. Pamjet: AFP