Një burrë i pirë, u sulmua për vdekje nga një peshkaqen pasi po hyri në det për të urinuar, në një plazh brazilian. Marcelo Rocha Santos, 51 vjec, me sa duket kishte pirë alkol me miqtë dhe më pas kishte hyrë në ujë ku edhe u sukmua për vdekje nga kafsha. Një kalimtar, kishte mundur të filmonte trupin e viktimës, që shtrihej i pajetë në rërë, pak pas zhytjes së tij. Ai kishte pësuar plagë të rënda dhe pavarësisht se u dërgua në spital, nuk mundi të mbijetonte. Sipas mediave lokale, gjithcka ndodhi pranë një zone të plazhit ku janë regjistruar këto kohë 12 sulme peshkaqenësh. Pavarësisht se një rojë plazhi kishte qenë në detyrë në kohën e ngjarjes, ai nuk kishte mundur të parandalonte sulmin. Dëshmitarët treguan se Santos kishte hyrë në ujë rreth orës 14.00 kur moti ishte bërë i zymtë dhe deti kish nisur të trazohej. Vetëm viktima dhe një person tjetër, që nuk kishte pësuar asgjë, ndodheshin në ujë në momentin e sulmit.