Kjo është e premtja e mirë, që në të gjitha komunitetet katolike po kalohet ndryshe nga çdo tjetër. Kishat do të jenë të zbrazura, dyert e tyre do të jenë të mbyllura dhe nuk do të ketë as këngë kishtare në ditën që shënon kryqëzimin dhe vdekjen e Jezu Krishtit. Por, kjo nuk do të thotë që meshat nuk do të mbahen. Në Vatikan psh, eventet do të transmetohen online për audiencën globale dhe do të arkivohen madje edhe për tu parë më vonë. Mijëra kisha në të gjithë botën po bëjnë të njëjtën gjë. Në Singapor, disa pastorë kanë regjistruar në avancë mesazhet e tyre në të premten e mirë.