Numri i rasteve të Covid në Francë është rritur me 60% në një javë", thotë zëdhënësi i qeverisë franceze Gabriel Attal, duke shtuar se varianti Delta tejkalon "60% të të gjitha rasteve me koronavirus në vend. "Në nivel kombëtar, shkalla e incidencës po përshpejtohet. Në një javë, ajo është rritur me më shumë se 60% dhe po i afrohet pragut të alarmit. Po përjetojmë një mesatare prej më shumë se 3.000 rastesh në ditë. Varianti Delta vazhdon të përhapet, me mbi 60% të rasteve të zbuluara në vendin tonë. Po rritet me shpejtësi në të gjithë Francën, veçanërisht te të rinjtë”. Rreth 35.5 milion njerëz, pak më shumë se gjysma e popullsisë së Francës, kanë marrë të paktën një dozë vaksine deri më tani, por ritmi i vaksinimeve është ngadalësuar në javët e fundit. Në fillim të pandemisë, Franca ishte ndër shtetet me skepticizminmë të madh ndaj të vaksinave. Kancelarja gjermane Angela Merkel thotë se Gjermania nuk po planifikon të ndjekë shembullin e Francës dhe vendeve të tjera, që kanë bërë vaksinën anti Covid, të detyrueshme për një pjesë të popullsisë. "Ne nuk kemi ndërmend të ndjekim këtë rrugë të propozuar nga Franca. Jemi akoma duke promovuar procesin e vaksinimit, pasi kemi më shumë vaksina sesa njerëz që duan të vaksinohen!"