Një karvan me anëtarë të grupit të vetëmbrojtjes ‘Pueblos Unidos’ udhëton mes plantacioneve të kultivuara në Ario de Rosales, ku ata kanë ngritur postblloqe dhe ndarje guri. Fermerët e maskuar e të armatosur që udhëtonin me kamionçina, raportohet se janë rritës avokadosh dhe janë bashkuar kundër trafikantëve të drogave, pas përshkallëzimit të dhunës në vend. Para nisjes së patrullimeve, rezidentët thonin se jetonin me frikë nga pengmarrjet, zhvatja dhe vjedhja e avokadove, thotë një nga anëtarët e grupit Pueblos Unidos. Ata thonë se grupi i vetë-mbrojtjes ka arritur në 700 anëtarë. "Duhet të armatosemi për të mbrojtur veten tonë. Poshtë padrejtësia, jo më të vdekur!" tha një prej tyre për rrjetin AFP, qe kerkonte të mbetej anonim. “Më parë kriminelët vinin këtu e bënin çfarë të donin me ne, por kjo nuk do të ndodhë më”, shtoi ai. Llogaritet se ka rreth 50 grupe të tilla vetëmbrojtjeje në Meksikë, të krijuar vitet e fundit pas intensifkimit të dhunës së bandave. Në pesë muajt e parë të vitit 14,243 vrasje janë regjistruar në Meksikë.