E gjithë pjesa e mbetur e ditëve të tetorit do të mbizotërohet nga moti me diell, i ngjashëm me stinën e pranverës. Moti do të jetë kryesisht i kthjellët gjatë gjithë javës, do të ketë intervale të gjata me diell sidomos në zonat bregdetare e zonat e ulëta. Sipas sinoptikanëve edhe vranësirat në zonat malore do të jenë të lehta gjatë orëve të pasdites ndërsa nuk pritet që të ketë reshje pothuajse deri në fund të muajit tetor. Temperaturat këtë të hënë regjistruan vlera deri në 28 gradë, ndërsa mesjava do të sjellë një rënie të lehtë të tyre.