Vasil, apo Vladimir Bajraktari është një prej 82 shqiptarëve që kërkohen nga 194 shtete të botës. Ndaj tij ka një urdhër arresti ndërkombëtar, por prej vitesh asnjë strukturë policore nuk ka rënë në gjurmët e tij. Kjo për faktin, se ndoshta 53 vjeçari nuk ka lënë asnjë shenjë gishtash, apo ka ndërruar identitet. Për të drejtësia shqiptare ka marrë masë sekuestrimi për pasurinë e konsiderueshme prej 180 mijë euro që ndodhej në 8 llogari bankare, 7 apartamente banimi, në Tiranë, Durrës dhe Lushnje me sipërfaqe totale rreth 770 metra katror, 1 lokal në Tiranë me sipërfaqe 750 metra katror, një garazh dhe 3 makina të ndryshme.