Ledina Riza do të jetë anëtarja e re e Këshillit të lartë të prokurorisë. Riza është zyrtarisht anëtarja e 11 e Këshillit të lartë të prokurorisë, pasi mori shumicën e votave. Në procesin e votimit në mbledhjen e Asamblesë së përgjithshme për zgjedhjen e anëtarit të ri të KLP, morën pjesë 200 prokurorë, ku 113 prej tyre votuan për Ledinën, 83 të tjerë votuan për Etien Kapon, ndërsa 4 vota u cilësuan si të pavlefshme. Gara për vendin vakant nga radhët e prokurorëve të Apelit, erdhi pasi vettingu shkarkoi ish-anëtarin Ludovik Doda.