Gjykata e Posaçme ka konfirmuar masën e sigurisë “Arrest me burg” për juristin e Bashkisë së Bulqizës, Leonard Daçin. Në lidhje me arrestimin e Daçit në fakt ndodhi dhe një keqkuptim, teksa SPAK njoftoi në datë 16 mars arrestimin e tij, por në fakt juristi ishte ende I lirë. Një ditë pas këtij njoftimi, të shtunën datë 17 mars, Leonard Daçi së bashku me avokatin u paraqitën në Gjykatën e Posaçme kur po mbahej seanca për vlerësimin e 13 urdhërarresteve të lëshuara për abuzimet më një tender në Bashkinë e Bulqizës, duke I zënë në këtë mënyrë të papërgatitur trupën gjykuese.