Rusia kreu një tjetër test të suksesshëm të raketës së saj hipersonike Zircon, arma më e fundit në arsenalin e bollshëm të Moskën, të cilën presidenti Vladimir Putin e ka përshkruar si “të pashkatërrueshme”. Ruset janë angazhuar maksimalisht këto vitet e fundit për zhvillimin e armëve të së ardhmes, për të cilat shpresojnë se do t`i japin epërsi në garën e armatimeve me Shtetet e Bashkuara, në një kohë kur tensionet me perëndimin kanë mbërritur pikën e tyre më të lartë prej shumëm vitesh. Pamjet e publikuara nga ministria ruse e mbrojtjes treguan luftanijen Admiral Gorshkov duke lëshuar raketën kruiz pranë brigjeve të deti Barens. “Raketa Zircon e goditi me sukses shënjestrën në një rreze prej më shumë se 350 km”, thuhet në njoftimin e ministrisë. Putin e përmendi për herë të parë krijimin e kësaj arme të re në fjalimin drejtuar kombit shkurtin e 2019-tës, duke thënë se ajo mund të godiste objektiva në det e deti brenda një rrezeje prej 1,000 kilometrash e me një shpejtësi marramendëse.