Policia e shtetit ka nisur kontrolle masive në të gjithë territorin në kuadër të masave për parandalimin dhe evidentimin e goditjen e tentativës për kultivim të kanabisit. Policia njofton se në të gjithë territorin janë angazhuar 1833 punonjës policie, të ndarë në 354 grupe pune, si dhe po përdoren 25 dronë, kamera, dylbi, automjete policie dhe 4 mjete lundruese. Janë ushtruar në total 9965 kontrolle dhe si rezultat i kontrolleve në të gjithë territorin deri tani nuk janë konstatuar raste të kultivimit të kanabisit apo tentativa për të hapur toka rishtas për kultivim. Policia e Shtetit Plan Operacional “Për kontrollin e ambienteve të mbyllura dhe të hapura në të gjithë territorin e vendit, për parandalimin e kultivimit të bimëve narkotike”. Në kuadër të masave për parandalimin, evidentimin dhe goditjen e tentativës për kultivim të kanabisit dhe në zbatim të Planit Operacional të hartuar për këtë qëllim, strukturat e Policisë së Shtetit kanë nisur kontrollet masive në të territorin. Në të gjithë vendin janë angazhuar 1833 punonjës policie të Drejtorive Vendore të Policisë dhe Drejtorive të Kufirit, të ndarë në 354 grupe kontrolli. Për kontrollin e territorit po përdoren edhe 25 dronë që janë në dispozicion të Drejtorisë Vendore të Policisë, kamera, dylbi, 297 automjete policie dhe 4 mjete lundruese.