Këshilli i Lartë Gjyqësor refuzoi të thërrasë e të dëgjojë si dëshmitare zyrtarë e ish zyrtarë të burgjeve, zyrtarë të shërbimit të provës dhe ish zyrtarë të cilët sipas mbrojtjes së Enkeleida Hoxhës, lehtësuan situatën e disa të burgosurve duke i konsideruar ata të dënuar shembullorë dhe me sjellje të balancuar, e duke sjellë më pas lirimin e tyre nga gjyqtarja. Gjatë mbledhjes ishte e pranishme edhe gjyqtarja e arrestuar, e cila u soll nga policia e burgjeve. Ajo po hetohet nga SPAK për korrupsion. Gjyqtarja tha që hetimi ndaj saj është i padrejtë, ndërkohë kërkoi kohë të dorëzojë parashtrimet e saj. Hetimi disiplinor ndaj gjyqtares nisi pas lirimit të Hekuran Billës që u lirua nga gjyqtarja dhe më pas u vra. Teksa asaj i rrezikohet karriera, i vetmi që vazhdon të mbështesë gjyqtaren Hoxha është i ati. Gazetarja Anil Hoxha: Vajza jua ka liruar Endrit Doklen dhe të tjerë. Belul Hoxha: E ka bërë nën diktatin e më të mëdhenjve.