Kërkesa e Gjykatës Kushtetuese për Komisionin e venecias, me qëllim marrjen e një opinioni është komentuar gjerësisht në ambientet politike dhe juridike të vendit. Por, përballë këtyre mendimeve ka reaguar vetë kjo gjykatë, e cila e konsideron të nevojshëm këshillimin në organet e specializuara. Gjykata Kushtetuese, duke shprehur shqetësimin e saj rreth keqinterpretimeve dhe keqinformimit në lidhje me këtë vendimmarrje, ndjen për detyrë institucionale të informojë se ky vendim është i ndërmjetëm dhe mbështetet në nenin 44 pika b të ligjit numër 8577 Për organizimin dhe funksionimin e Gjykatës Kushtetuese të Republikës së Shqipërisë.