Një foshnje një vjecare ëhstë shpëtuar pasi u largua për më shumë se 1 km e gjysmë nga bregu, në Tunizi, në një komardare, ndërsa prindërit e saj nuk e kishin patur mendjen tek ajo. Incidenti ndodhi pak pas orës 5 të pasdites, së të shtunës, në një plazh në Kelibia, një nga brigjet veri lindore të vendit. Videoja tregon momentin e shpëtimit, pasi oficerët e mbrojtjes civile u thirrën për të shpëtuar fëmijën, që sidoqoftë nuk kishte pësuar asgjë. Burime qeveritare thanë se vajza, me gjasë ishte tërhequr thellë në det nga era e fortë. Prindërit e saj kishin qenë për momentin të pavëmendshëm. Në pamjet e marra nga një Jet Ski, vajza e vogël, e ulur në komardaren rozë, shihet teksa tërhiqej nga skuadrat e shpëtimit. Kamera madje kthehet edhe nga bregu në distancë, duke treguar se sa larg vogëlushja kishte shkuar. Një përdorues i facebookut ndau videon duke shkruar në një postim: Bravo dhe shikojini fëmijët kur janë në det. Autoritetet po ashtu i kërkuan prindërve të jenë vigjilentë dhe të mos marrin rreziqe gjatë ndryshimeve të pritshme të motit në zonë. Përdoruesit e mediave sociale falenderuan zotin që shpëtoi fëmijën por nuk u kursyen në komentet për prindërit duke pyetur se cfarë po bënin ata kur vogëlushja po largohej aq larg në det. Pamjet: AFP