Top News-Këshilltari i Dritan Priftit, 13 vjet i zhdukur/Inside Story hedh dritë mbi misterin e madh

"Inside Story" në Top channel solli historinë e këshilltarit të afërt të Dritan Priftit, Eduard Belegu i cili është i zhdukur prej 13 vitesh dhe nuk dihet nëse është gjallë. Në vitin 2000, Eduart Belegu bën kapërcimin në nivele të larta në biznes, duke krijuar lidhje të rëndësishme. Ai emërohet administrator i kompanisë “Darfo Albania”, subjekti koncesionar që kishte fituar të drejtën për riaktivizimin e aktivitetit të ferro-kromit në Elbasan si dhe nxjerrjen e kromit nga minierat e Përrenjasit dhe Pojskës. Në vitin 2001, kompania që ishte nën pronësi të italianëve të “Darfo” do të zgjeronte koncesionin edhe me minierat e Bulqizës. Pra, Eduard Belegu drejtonte kompaninë që zotëronte mbi 95 % të aktivitetit tregtar të kromit në Shqipëri.