Me urdhër të spak policia shqiptare dhe homologët e tyre spanjoll kanë zhvilluar një operacion në disa qytete të vendit ku dyshohet se përmes call centerave janë mashtruar qytetarë të huaj të cilave u janë marrë miliona euro. Dyshohet se nga këto call cenetra janë mashtruar qytetarë spanjollë dhe gjermanë. Kontrollet u ushtruan pasdite në një call-center në qytetin e Vlorës në lagjen Pavarësia ku u shoqëruan mbi 15 persona. Mësohet se shumica e të shoqëruarve në polici janë vajza. ndërsa paradite ka pasur kontrolle edhe në një call center në Elbasan, ku u ndaluan 2 persona, ndërsa tre persona të tjerë janë shpallur në kërkim. Në operacionin e drejtuar nga SPAK janë sekuestruar servera dhe dokumenta që pritet të provojnë mashtrimet e kryera në këto call centera. Por një operacion i tillë është zhvilluar paralelisht edhe në Kosovë. Policia atje ka arrestuar 14 persona, mes tyre një shtetas gjerman. Prokuroria Speciale atje njoftoi se ky hetim disa mujor është bërë në bashkëpunim edhe me autoritetet gjermane, ndërsa ka sekuestruar disa kompjuterë e telefona që përdoreshin nga të arrestuarit.