Interpol Tirana në bashkëpunim me homologët spanjollë ka bërë të mundur ekstradimin drejt shqipërisë të shtetasit Luan Bundo, i arrestuar në vitin 2019 me kërkesë të autoriteteve shqiptare. Bundo ka ndihmuar një të ri të emigronte në mënyrë të paligjshme drejt Australisë, por që prej vitit 2014 familajrët e të riut nuk kanë më asnjë gjurmë nga i biri. Sipas dëshmisë së familjarve, Luan Bundo ka marrë 13 mijë euro nga Mensur Prençi, 32 vjeç për të bërë të mundur emigrimin e tij drejt Australisë. Sipas hetimeve të deritanishme të policisë Luan Bundo së bashku me Mensur Prençin janë nisur fillimisht drejt Maqedonisë ku janë pajisur me viza për të shkuar në Indonezi dhe më pas janë transportuar nëpërmjet një peshkarexhe drejt Australisë nga një indonezian. Në maqedoni klandestinët pajiseshin me vizë turistike për në indonezi. Pas mbërritjes në Indonezi rruga vazhdointe për në ishullin Kupang në Singapor, ku nëpërmjet indonezianëve dërgoheshin drejt Australisë. Pas këtij itinerari, i vetmi që u kthye në Shqipëri ishte Luan Bundo i cili komunikoi me familajrët e Mensur Preçit duke u thënë se i biri ndodhej në një kamp emigrantësh. Që prej vitit 2014 deri më sot, Mensur Prençi rezulton i zhdukur duke humbur çdo pikë kontakti me familajrët e tij në Shqipëri.