347 protestues, policë, kalimtarët të rastit dhe gazetarë kanë mbetur të lënduar pas protestave të dhunshme studentore. Bilanci u shpalos nga ministri i punëve të brendshme, Ervin Demo, i cili veçoi si mjaft shqetësuese përfshirjen e të miturve në akte dhune. “347 janë të lënduar dhe në fillim unë nuk do të doja të bëja diferencim mes punonjësve të Policisë së Shtetit, protestuesve apo kalimtarëve. 107 protestues të lënduar, 39 kalimtarë të lënduar, përfshirë edhe gazetarë. Këto shifra janë një kambanë alarmi sa i përket nivelit të dhunës dhe trajtimit proporcional që Policia e Shtetit ka bërë. Shqetësuese përfshirja e të miturve në akte dhune, në vijën e parë. 269 të shoqëruar nën moshën 18 vjeç.” Ministri i punëve të brendshme, Ervin Demo shtoi se tashmë janë identifikuar personat e maskuar që sulmuan institucionet publike e bizneset private në vend, teksa shtoi se shumë shpejt efektivët e policisë do të pajisen me kamera trupi për të bërë të mundur faktimin e episodeve të dhunës.