Presidenca e Kosovës ka dënuar ashpër gjuhën e urrejtjes që bën thirrje për pushkatimin e presidentes Vjosa Osmani, duke e cilësuar atë si nxitje të rrezikshme për dhunë politike. Në një reagim publik, Presidenca thekson se përdorimi i një gjuhe të tillë nuk lidhet me kritikë apo debat politik, por me retorikë që nxit urrejtje dhe normalizon dhunën ndaj institucioneve. Në reagim theksohet se personat që flasin për tradhti dhe pushkatim përmes shpifjeve dhe teorive konspirative, në fakt po bëjnë thirrje për dhunë dhe vrasje politike. Ky qëndrim vjen pas deklaratave të e Halil Gecit , i cili në një postim në rrjete sociale, e ka quajtur Osmanin “tradhtare” dhe ka përmendur fjalën “pushkatim”. Ndaj, presidenca bëri thirrje që ky rast e të tjerë të ngjashëm të trajtohen me urgjencë, duke kërkuar që institucionet të marrin masa.