Detaje të reja kanë dalë në pah nga dosja e ish zëvendës ministres së brendshem, Rovena Voda, e cila merrte rryshfet për t’i ofruar një vend pune si specialiste në ministrinë e brendshme, juristes Florida Beu. Rovena Voda ka rënë në rrjetën e SPAK gjatë përgjimeve për prkurorin e Kukësit, Edmond Karriqi. Fokusi i SPAK kanë qenë hetimet ndaj prokurorit të Kukësit, Edmon Karriqi, i cili u arrestua pak ditë më parë në Kavajë për pushim e një cështjeje të disa të arrestuarve për trafik droge në Kukës, pas marrjes së 2 mijë eurove në këmbim. Së bashku me prokurorin në pranga e policisë ra edhe biznesmeni Emirjan Beu, i cili zotëron karburante dhe kompani të tregtimit të peshkut. Ky i fundit akuzohet se ka qenë ndërmjetësi që bëri të mundur ndërhyrjen tek prokurori për të pushuar çështjen e trafiakntëve të drogës.