Ambasada Italiane në Shqipëri si dhe Aeroporti Ndërkombëtar i Tiranës kanë publikuar një njoftim të rëndësishëm për qytetarët shqiptarë që kanë planifikuar të udhëtojnë drejt shtetit fqinj, Italisë nga data 22 deri në 30 Prill Përmes postimit në rrjetin social facebook, Aeroporti Ndërkombëtar I Tiranës ka deklaruar se pasagjerët që do të udhëtojnë drejt Italië duhet të paraqesin tamponin negativ të koronavirusit të 48 orëve të fundit si dhe testin antigjen. Kërkohet me rigorozitet që dokumenti që paraqet rezultatin e testit të jetë i shkruar në gjuhën italiane ose atë angleze dhe të jetë dhënë vetëm nga subjektet mjekësore të certifikuara për këtë test. Karantinimi i detyruar vazhdon, edhe nëse testi është negativ. Aeroporti Ndërkombëtar I Tiranës u ka bërë thirrje pasagjerëve që përpara çdo udhëtimi të njihen me rregullat e shteteve pritëse si dhe të respektojnë rregullat e higjenës së bashku me të gjitha masat kufizuese antiCovid.