Kirurgu i Përgjithshëm i SHBA Dr. Vivek Murthy tha se rrjetet sociale duhet të pranojnë se ato luajtën "një rol të madh" në përhapjen e dezinformatave në lidhje me pandeminë Covid-19 dhe se hapat që kanë ndërrmarë për të luftuar këtë gjë nuk ka mjaftuar. "Ne ende po shohim një përhapje të keqinformimit në internet. Dhe ne e dimë që dezinformimi shëndetësor dëmton shëndetin e njerëzve. Kjo u kushton atyre jetën e tyre." shtoi Murthy. Komentet e Murthy vijnë në një kohë kur administrata Biden deklaroi se mediat sociale dhe dezinformimi që vjen prej tyre është "një kërcënim serioz për shëndetin publik". Presidenti Joe Biden akuzoi se platformat e mediave sociale si Facebook "po vrasin njerëz" me keqinformim. Ndërkohë një zyrtar i Facebook-ut i deklaroi se Shtëpia e Bardhë po hedh akuza të rreme dhe kërkon të gjejë fajtor për gabimet e administratës së saj.