Edhe pse aksioni i ndërmarrë në qershor shembi një numër të konsiderueshëm ndërtimesh pa leje në vijën bregdetare, kjo nuk e ka penguar aspak një 40 vjeçar nga Vau i Dejës që të ndërmarrë ndërtimin e një lokali në bregdetin e Velipojës. Gjatë kontrollit të patrullave të policisë për lirimin e hapësirave bregdetare, u konstatua se kishte filluar puna për ndërtimin e një beach bari në zonën e Vilunit në Pulaj, pa asnjë leje nga organet përkatëse. Menjëherë forcat e policisë arrestuan në kushtet e flagrancës pronarin e objektit pa leje dhe dy punëtorët që punonnin aty. Ndaj 40 vjeçarit, nga fshati Hajmel, Vau i Dejës rëndojnë akuzat për veprën penale “Ndërtimi i paligjshëm” dhe “Vjedhja e energjisë elektrike”, ndërsa për dy punëtorët që kryenin punimet akuza ‘Dhënia e ndihmës për ndërtim të paligjshëm”. Gjatë operacionit ‘bregdeti ynë. Të ndërmarrë nga IKMT në fillim të qershorit në të gjithë vendin u shembën me dhjetar ndërtime pa leje. Aksioni më pas u fokusu në kontrollin e hapësirës së plazheve, duke liruar ato zona ku ishin vesndoshur sheylongë e cadra n mënyrë të paligjshme.