Top News-Tragetet dhe anijet ‘kyçen’ nga moti i keq/24 orë pa lëvizje në det, pezullohen lundrimet

Lundrimi për mjetet e vogla dhe anijet e peshkimit në portet e vendit vijon të jetë i pezulluar për shkak të motit të keq që ka përfshirë të gjithë territorin. Sipas njoftimit të Drejtorisë së Përgjithshme Detare, duke filluar nga mesnata era do të jetë me drejtim Jug-Jug-Perëndim. Forca e detit do të jetë 8-9 ballë dhe shpejtësia e erës 15-28 metra për sekondë. Përmirësimi i kushteve të motit pritet pas orës 10:00 të datës 23 nëntor 2022. Në portin Durrës për operimin e mjeteve që operojnë në linjën Durrës-Bari-Durrës, do ketë një njoftim të dytë. Kurse për mjetet e vogla dhe anijet e peshkimit është i pezulluar lundrimi.