Andi Alushi është dënuar me 19 vjet e 6 muaj burgim më datë 03 janar 2023, pas deklarimit fajtor nga Gjykata e Kurorës në Shefielld, Mbretëri e Bashkuar. 27-vjeçari shqiptar u shpall fajtor për mbajtjen peng të dy bashkëatdhetarëve, teksa u arrestua pas një bashkëpunimi të autoriteteve të Mbretërisë së Bashkuar me Prokurorinë e Posaçme shqiptare. SPAK kishte regjistruar ndaj tij proçedimin penal, për veprat penale të “Rrëmbimi ose mbajtja peng e personit”, i kryer kundër disa personave në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal”, si dhe “Kryerja e veprave penale nga organizata kriminale dhe grupi i strukturuar kriminal”.