Është plotësisht e papranueshme nëse është e vërtetë – ky është reagimi i shefes së komisionit evropian, Ursula Von Der Leyen, në lidhje me skandalin e përgjimeve që përfshin një kompani izraelite softuerësh dhe deri në 50 mijë numra telefoni. "Kjo duhet të verifikohet, por nëse është kështu, është plotësisht e papranueshme," u tha ajo gazetarëve në Pragë. Mediat ndërkombëtare mes të cilave The ëashington Post, The Guardian dhe Le Monde zbuluan lidhjet mes Grupit NSO me bazë në Izrael, të akuzuar për furnizimin me spyëare të qeverive, dhe një liste prej dhjetëra mijëra numrash telefoni, përfshirë ato të aktivistëve, gazetarëve, drejtuesve të biznesit dhe politikanët në të gjithë botën. Von der Leyen, e cila ishte në Pragë për të paraqitur planin e ringritjes së Cekisë pas pandemisë, me vlerë 7 miliardë euro të miratuar nga BE, kritikoi sulmin e pretenduar në telefonët e gazetarëve. "Shtypi i lirë është një nga vlerat thelbësore të Bashkimit Evropian," tha ajo. Hetimi flet për keqpërdorim të gjerë dhe të vazhdueshëm të Pegasus. Ky i fundit, i instaluar në një smartphone, lejon përgjimin e mesazheve, fotove, kontakteve, si dhe telefonatave. I krijuar në 2011 në Izrael, Programi kompjuterik i quajtur Pegasus, ka si qëllim të lejojë qeveritë të ndjekin terroristë dhe kriminelë.