Deklarata e fundit e sekretares së brendshme britanike Suella Braveman, mbushi kupën. Pasi i cilësoi shqiptarët që punonjë në Angli si kriminelë, këta të fundit paralajmëruan një protestë, që do të mbahet më 12 nëntor në orën 10.30 me kohën lokale në “Ëestminster Bridge”. Sulmet e njëpasnjëshme nga disa zyrtarë të lartë britanikë, por edhe titujt e pafund në mediat britanike lidhur me përfshirjen e shqiptarëve në trafikun e kultivimit dhe trafikimit të lëndëve narkotike, kanë revoltuar shqiptarët. Pak ditë më parë, në një intervistë për BBC, kryeministri Edi Rama hodhi akuza ndaj ministres së brendshme lidhur me deklaratat e saj për shqiptarët, e cila tha se pasi ata vijnë në Angli përfshihen në veprimtari krimianle. Rama akuzoi britaninë e madhe se po i bën shqiptarët ‘koka turku’ për të justifikuar politikat e saj të dështuara për kufijtë dhe emigracionin. Deklarata e sekretares së brendshme britanike tëhoqi edhe vemendjen e tabloidit britanik Daily Mail. Gazetarët e Daily Mail shkuan në një lagje britanike, ku jetonin shqiptarët dhe intervistuan këta të fundit. Shqiptarët shprehën ankesa kundrejt qeverisë britanike për gjuhën raciste dhe etiketimet e përdorura kundrejt tyre duke i përcaktuar si “kriminelë” apo “gangsterë”. Ata thanë se ishin larguar nga Shqipëria për një jetë më të mirë në Britani për të punuar shumë dhe për të paguar taksat që u takojnë, ndërsa këmbëngulnin se nuk pretendonin përfitime të paligjshme.