‘Si përfundoi Shqipëria në shënjestrën e Iranit? Kjo është pyetja që mbetet pa përgjigje, edhe pse shumë janë përpjekur të hedhin dritë mbi këtë fakt. E etur për t'u dalluar si një aleate e palëkundur e SHBA-së, Tirana po ngatërrohet në çështje gjeopolitike jashtë potencialit të saj’. Kështu fillon artikulli i ‘Foreign Policy’, i cili ka publikuar një analizë të plotë të goditjeve kibernetike që po përjetojnë shqiptarët gjatë muajve të fundit. Aktualisht, rreth 3,000 anëtarë të MEK jetojnë në Kampin Ashraf-3 të Shqipërisë, një kompleks i fortifikuar dhe nën masa të rrepta sigurie. Që nga viti 2013, MEK ka organizuar rregullisht samite në Shqipëri që kanë tërhequr vëmendjen e republikanëve amerikanë, duke përfshirë ish-sekretarin e shtetit Mike Pompeo dhe ish-zëvendëspresidentin Mike Pence. Shumë republikanë dhe anëtarë të kongresit e shohin MEK-un si një zë të rëndësishëm që bën thirrje për ndryshimin e regjimit në Iran. Kjo është arsyeja kryesore dhe ajo që duket në sipërfaqe për agresivitetin e Iranit ndaj Shqipërisë.