Dy persona po ndiqen në gjendje të lirë pasi akuzohen për krimet zgjedhore, për shitblerje të votës në qytetin e Vlorës. Bëhet fjalë për Abdulgafur Balikçi, 23 vjeç i cili është me origjinë turke por që jeton jeton dhe punon në Vlorë dhe një shqiptar Juriseld Muçaj, 24 vjeç. Juriseld Muçaj dyshohet se në kohë të ndryshme ka marrë një shumë lekësh nga Abdulgafur Balikçi, për sigurimin e disa emrave personash të njohur prej tij për dhënie vote në zgjedhjet e 25 prillit. Burime për Top Neës thanë se vota po blihej në favor të partisë Lëvizja Socialiste për Integrim. Gjatë ndalimit të tyre janë gjetur një bllok me emra, të personave që dyshohet se do u blinin votën. Gjitthashtu u janë sekuestruar telefonat pasi dyshohet aty ka pasur biseda për blerje vote. Dy personat po procedohen penalisht dhe çështja do të ndiqet nga SPAK, e cila është kopetente për hetimin e krimeve zgjedhore. Materialet i kaluan Prokurorisë së Rrethit Gjyqësor Vlorë dhe Prokurorisë së Posaçme SPAK Tiranë, për veprime të mëtejshme.