Një lajm i padgjuar më parë, por që përçon një mesazh të rëndësishëm për ndërgjegjësimin e popullsisë ndaj mbeturinave. Ishujt Cocos të Australisë së shpejti do të kenë një vendpushim gjigant lundrues të ishullit i bërë pothuajse nga mbeturinat, duke përfshirë gjithë plastikën e hedhur në oqean. Resorti me mbeturinat e recikluara është planifikuar të mirëpresë mysafirët e tij të parë në 2025. Ai do të jetë i vendosur në një territor të largët Australian të njohur si Ishujt Cocos, ose Keeling, i cili është një arkipelag koral me peisazhin më fantastik nënujor. Materiali kryesor për ndërtimin e ishullit do të jenë plehrat e mbledhura me thasë të mbuluar me llum dhe rërë. Arkitektja kryesore e projektit inovativ, Margot Krasojevic, gjithmonë ka ëndërruar për një mënyrë të zgjuar që do të ndihmonte në uljen e sasisë së plehrave që ndotin Oqeanin Indian. Kështu që, ajo solli idenë për të krijuar një vendpushim në një ishull të bërë nga mbeturinat e oqeanit. Sipas konceptit të saj, ideja është të ndërtojmë një shtrat të bërë nga mbeturinat, ta lidhim atë në fund të oqeanit, të krijojmë vendkalime pemësh dhe të fillojmë ndërtimin. Ndërtimi do të duket më shumë si një postacion nafte, kështu që duhet të jetë i sigurt. Kjo teknologji do të lejojë që ishulli të zgjerohet në të ardhmen nëse është e nevojshme. Natyrisht, nuk do të jetë e gjitha vetëm nga mbeturinat e oqeanit. Do të ishte qesharake të shihnim një ishull të tërë me mbeturina të ricikluara dhe të ishte me 5 yje.