Rusia tha të hënën se kishte kryer një tjetër test të suksesshëm në raketës së saj hipersonike Zircon, një risi kjo në një arsenal armatimesh që nga presidenti Vladimir Putin e quan të Pathyeshëm. Moska, vitet e fundit, është përfshirë nga ethet e zhvillimit të armëve futuristike që ajo shpreson se do ti japin një pozicion të ri në garën e armatimit me SHBA në një kohë tensionesh në rritje me perëndimin. Pamjet e shpërndara nga ministria e mbrojtjes, tregojnë luftanijen Admirali Gorshkov, të lëshojë një raketë kruizë mbi një shënjestër në detin Barents, në rusinë veriore. Raketa Zircon, qëlloi me sukses objektivin në një rreze prej mbi 350 km. Shp[ejtësia maksimale e fluturimit të saj arriti në Mach 7”, tha ministria në një deklaratë. Putin foli për zhvillimin e armës së re në një fjalim para kombit në shkurt 2019, duke thënë se ajo mund të godiste objektiva në det dhe në tokë në një rreze prej 1 mijë kilometrash dhe me një shpejtësi Mach 9. Ministria e mbrojtjes ka thënë se planifikon të pajisë si luftanijet ashtu edhe nëndetëset me raketën Zircon. Kjo e fundit i është nënshtruar disa testimeve dhe në tetor të vitit të shkuar Putin e cilësoi një prej tyre si një event të madh jo vetëm për forcat e armatosura por për të gjithë rusinë. Moska ka bërë përpara me zhvillimin e disa armëve që evitojnë sistemet ekzistuese të mbrojtjes, përfshirë raketat ndërkontinentale Sarmat dhe raketat kruiz Burevestnik. Ekspertët perëndimorë e kanë lidhur një shpërthim vdekjeprurës në një site testimi në rusinë veriore në 2019-ën, që shkaktoi një rritje të ndjeshme të niveleve të radioaktivitetit, me raketën kruiz bërthamore Burevestnik, të prezantuar nga Putini në 2018-ën.