Qytetarët e Kosovës do t’u drejtohen kutive të votimit sërish, për herë të tretë pwr zgjedhje parlamentare radhazi brenda një viti e gjysëm, pas dështimit të partive politike për të zgjedhur Presidentin e ri. Pas afatit të Gjykatës Kushtetuese, I cili përfundoi të martën e 28 prillit, Kosova ka hyrë në afatin e ri prej 45 ditësh për organizimin e zgjedhjeve. Ushtruesja aktuale e detyrës së Presidentes, njëherësh Kryeparlamentares, Albulena Haxhiu, i mbetet të ftojë partitë në takim për ta caktuar datën e zgjedhjeve. Sipas ekspertëve, ajo ka dhjetë ditë kohë për të përcaktuar datën e zgjedhjeve, pas konsultimit me partitë politike dhe KQZ-në. Sipas tyre, zgjedhjet e parakohshme duhet të mbahen brenda 45 ditëve, por jo më herët se 30 ditë, nga shpërndarja e Kuvendit. Ndërsa dy afatet e fundit për mbajtjen e zgjedhjeve janë 31 maji dhe 7 qershori.