Pilotët e një avioni rus pasagjerësh po konsiderohen heronj pasi ata shpëtuan të gjithë pasagjerët në bord kur u detyruanin të uleshin egër në tokë, në siberi. Avioni Antonov AN 28, me katër fëmijë në bord dhe gjithsej 19 pasagjerë, u zhduk nga radarët pasi kishte 1 orë e 20 minuta në fluturim në rajonin e Tomskut, në siberinë perëndimore. Një operacion i madh shpëtimi nisi dhe avioni i dëmtuar rëndë u pikas nga ajri. Skuadrat e shpëtimit mbërritën në vend dhe raportuan se të gjithë ishin të gjallë. Pilotët, anatoly Prytkov, 56 vjec dhe Faruh Khasanov, 32 vjec, morën meritat se shpëtuan të gjitha jetët pasi mundën ta ulnin avionin jashtë kontrollit në një terren të vështirë. Ajo që mund të konsiderohet edhe një mrekulli ndodhi pasi pilotët mundën të identifikonin një vend të përshtatshëm ku ta ulnin avionin, në mes të mocalishteve. Avioni antonov përdoret zakonisht për distanca të shkurtra. Ai i përkiste një kompania ajrore lokale dhe ekuipazhi nuk kishte raportuar asnjë problem para se avioni të zhdukej nga radarët.