Katër ditë pasi aksidentoi me makinë një 74-vjeçare italiane, policia ka arrestuar autorin, i cili pasi përplasi gruan u largua nga vendi i ngjarjes. Ngjarja ndodhi më 15 qershor në lagjen 11 të qytetit të Durrësit, ndërsa policia në njoftimin zyrtar bën të ditur se ka arrestuar autorin e dyshuar, 22-vjeçarin Endri Zaja. Edhe pse ishte në kërkim për aksidentin ku as nuk ndaloi për të ndihmuar të moshuarën, kjo as nuk e ka penguar të riut që të shijojë rrezet e diellit dhe bëjë plazh në bregdet. Ai është kapur nga efektivët e policisë pikërisht duke bërë plazh në brdegetin e durrësit dhe është shoqëruar më pas në polici. Sipas policisë, i riu ishte i shpallur në kërkim pasi dyshohet edhe si autori kryesor i 2 vjedhje të ndodhura në Durrës më herët. Ai ka marrë një shumë parash në një dyqan, dhe vjedhja tjetër është konstatuar në një market në lagjen eplazhit në durrës. Materialet në ngarkim të 22 vjecarit i kaluan Prokurorisë së Durrësit, për veprat penale “Shkelja e rregullave të qarkullimit rrugor”, “Largimi nga vendi i aksidentit” dhe “Vjedhja”.