Rryshfetet milionash lek e ndërhyrjet e paligjshme në hallkat e administratës shtetërore për një vend pune si specialist, kanë bërë që zëvendës ministrja e brendshme të bjerë në rrjetën e SPAk, pas hetimeve të mprehta dhe punës intensive, të nisura që në vitin 2019. Përgjimet telefonike zbuluan një skemë të pastër korruptive, nëpërmjet të cilës zëvendës ministrja ndërhynte për të bërë pjesë të administratës njerëz të cilët për të përfituar vendin e punës nuk ofronin kualifikim por zarfe me para. Qëllimi ishte punësimi i Florida Beut në rolin e specialistet në një nga dikasterët e administratës.