Ministrja e Shëndetësisë, Ogerta Manastirliu është ndalur në Spitalin Memorial të Fierit, Duke treguar edhe pamjet përfundimtare nga ky spital, Manastirliu shprehet se nga pikëpamja strukturore spitali i ri i Fierit përmbush çdo standard strukturor, por e njëjta vlen edhe për standardet e stafit mjekësor. Manastirliu nëpërmjet një postimi në rrjetin social facebook e ka cilësuar këtë spital e si qendër e ekselencës së sistemit tonë shëndetësor dhe njësi e transferimit të dijes nga sistemi shëndetësor turk në sistemin shëndetësor shqiptar. “Ky është një spital që u premtua nga qeveria e republikës së turqisë ku dukej jo për shkak të premtimit por edhe për kohën e shpejtë. Ja ku jemi sot në një spital jo vetëm të ndërtuar por edhe të pajisur. Ky spital që është një spital i ri por që brenda tij ka planifikuar të ketë gjithë ato shërbime të specializura. Do të rrisë aksesin për shërbime spitalore do të mundësojë rritjen e shërbimeve spitalore, një spital që do të plotësojë nevojat e rajonit por do krijojë akses më të shpejtë për shërbime që janë të planifikuara. Është me standard nga më të mirat dhe jemi krenarë që u arrit. Do të jetë një menaxhim i kombinuar i stafit shqiptaro turk, një në tërësi 398 punonjës në këtë spital dhe 56 prej tyre janë planifikuar që të vijnë nga sistemi shëndetësor turk” Përsa i përket procesit të rekrutimit të stafit mjekësor shqipëtar, për të cilin u hap një proces online aplikimi, ministrja u shpreh se janë në total 700 aplikime dhe theksoi se procesi i përzgjedhjes do të jetë transparent. Me 150 shtretër, ofrim I të gjitha shërbimeve shëndetësore përfshirë dhe ato terciale ky spial pritet të ketë rëndësi të veçantë për të gjithë zonën jugore të vendit.