Kina, në mënyrë të fshehtë po ndërton një Mur të Madh të ri, në detin e kinës së jugut. Pekini ka hapur një bazë ushtarake të madhe në një fortesë të shumëdiskutuar në ishull, në një rajon strategjik ndërkohë që konfliktet po përshkallëzohen. Foto satelitore të siguruara nga Uashington times, tregojnë dislokimin e një numri avionësh në mbarrierën Mischief (Misçif), në ishujt Spratly (Spratli), në maj dhe qershor, ndërsa të tjera foto tregojnë uljen e një avioni të madh transporti Y 9 dhe një helikopteri Z-8 në barrierën Subi. Zyrtarët e inteligjencës thonë se fotot e reja satelitore tregojnë se dislokimi duket i përhershëm. Ndryshimi më domethënës në pozicionimin ushtarak në 2021 është shfaqja e avionëve kinezë të misioneve speciale dhe helikopterëve në barrierat koralore Subi dhe Mischief, cka tregon se ushtria kineze mund të kryejë operacione ajrore rutinë nga këto pika. KJo vjen pasi është aluduar se kina ka shfrytëzuar krizën e koronavirusit, vitin e shkuar, për të rritur kontrollin në detin e kinës së jugut. Pekini pretendon se zotëron pjesën më të madhe të zonës ujore atje, pavarësisht se edhe disa vende të tjera kanë pretendime nën ligjin ndërkombëtar mes të cilëve, tajvani, Malajzia, Vjetnami, Filipinet dhe Brunei.